辣妹

--------------------------------------------------------------------------------

所 謂 黑 社 會 文 化 ， 幫 派 概 念 早 在 香 港 式 微 。
香 港 黑 社 會 ， 包 括 各 幫 坐 館 、 數 、 超 級 大 佬 ， 其 結 局 不 是 坐 監 便 是 著 草 ， 剩 下 的 都 已 歸 隱 ， 不 再 過 問 江 湖 事 。
本 刊 北 上 大 陸 ， 分 別 追 蹤 這 些 在 香 港 曾 紅 極 一 時 的 大 佬 ， 他 們 一 批 批 逃 離 香 港 後 ，躲 在 大 陸 經 營 小 生 意 餬 口 ， 或 者 無 所 事 事 流 連 桑 拿 浴 室 ， 江 湖 霸 氣 煙 消 雲 散 ， 變 為無 牙 老 虎 。
年 輕 一 代 ， 亦 大 多 視 黑 社 會 為 老 土 文 化 ， 皆 覺 得 不 單 沒 有 利 益 ， 反 而 會 是 麻 煩 跟 身 。
黑 社 會 過 去 賴 以 生 存 的 各 種 利 益 ， 在 警 方 窮 追 猛 打 之 下 ， 已 一 滴 油 水 都 不 剩 ， 加 上 商 鋪 餐 廳 再 不 畏 懼 ， 一 個 報 警 電 話 ， 已 把 黑 幫 趕 入 絕 路 。



年 近 歲 晚 ， 元 朗 五 名 14K 德 字 堆 成 員 ， 上 週 五 開 載 滿 盆 橘 的 貨 van ， 四 處 向 商 戶 勒索 利 是 。 派 了 十 多 盆 後 ， 警 察 已 接 獲 商 戶 報 警 ， 跟 蹤 而 至 將 五 人 一 舉 成 擒 。
「 五 條 友 加 埋 貨 van 內 幾 十 盆 橘 ， 成 本 都 要 幾 千 元 ， 依 家 賺 埋 都 係 萬 零 蚊 ， 五 個 人分 一 人 千 幾 ， 但 就 分 分 鍾 坐 成 年 ， 黑 社 會 ， 真 陰 功 。 」 現 場 一 名 老 差 骨 ， 與 同 僚 大聲 譏 笑 。
莫 講 黑 幫 低 層 成 員 走 投 無 路 ， 一 眾 高 層 元 老 的 境 況 也 一 個 比 一 個 坎 坷 ， 不 是 坐 監 ， 便 是 紛 紛 著 草 逃 離 香 港 。


荃 灣 叔 父 賣 奶 茶
與 香 港 一 水 之 隔 的 深 圳 福 田 水 圍 ， 一 間 名 曰 「 翠 華 」 的 茶 餐 廳 內 ， 貨 櫃 司 機 們 正 圍喝 奶 茶 ， 突 然 一 名 黑 衣 人 帶 幾 名 手 下 低 頭 行 過 ， 其 中 一 貨 櫃 司 機 瞄 一 瞄 竟 脫 口 而 出： 「 ， 佢 咪 雙 鷹 青 ， 勝 和 校 長 ， 社 團 鄭 伊 健 哦 ！ 」
一 頭 長 髮 的 「 雙 鷹 青 」 大 佬 風 範 依 然 ， 快 步 走 出 茶 餐 廳 後 ， 手 指 指 向 身 邊 手 下 道 ： 「 你 睇 ， 個 招 牌 有 歪 ， 搵 人 幫 我 扶 正 佢 。 」
這 間 茶 餐 廳 正 是 由 「 雙 鷹 青 」 經 營 ， 落 難 來 大 陸 幾 年 後 ， 他 在 此 落 地 生 根 。
「 黑 社 會 個 個 窮 過 鬼 ， 一 安 士 K 仔 先 賺 得 千 零 二 千 蚊 ， 仲 要 分 分 鍾 坐 幾 年 ； 一 杯 奶茶 成 本 幾 蚊 都 賣 十 蚊 ， 反 而 有 幾 倍 利 潤 ， 不 如 賣 奶 茶 好 過 。 」 同 樣 著 草 到 深 圳 的 勝和 成 員 林 叔 表 示 ， 五 年 前 「 雙 鷹 青 」 在 香 港 紅 極 一 時 ， 手 下 馬 仔 過 千 ， 不 少 當 打 後輩 都 是 跟 他 出 身 ， 料 不 到 現 在 要 賣 奶 茶 。
今 年 四 十 有 三 的 「 雙 鷹 青 」 ， 身 高 五 呎 十 ， 因 胸 口 紋 上 雙 鷹 圖 案 而 聞 名 。 由 於 高 大靚 仔 兼 心 狠 手 辣 ， 九 十 年 代 開 始 大 批 青 年 歸 入 他 門 下 。 「 佢 本 身 係 荃 灣 圍 頭 仔 ， 撈賭 檔 起 家 ， 收 一 大 班 之 後 ， 後 尾 夠 膽 走 去 澳 門 同 崩 牙 駒 開 片 霸 地 盤 ， 但 猛 虎 不 及 地頭 蟲 ， 戰 敗 後 返 回 荃 灣 ， 帶 同 一 眾 門 生 在 荃 灣 勢 力 急 劇 膨 脹 ， 全 盛 時 期 有 幾 間 disco 同 酒 吧 ， 荃 灣 街 頭 行 緊 仔 ， 全 部 都 係 佢 人 。 」 荃 灣 反 黑 組 探 員 阿 添 ， 道 出 這個 勝 和 傳 奇 人 物 的 故 事 。



當 年 喜 歡 唐 裝 衫 功 夫 鞋 打 扮 的 「 雙 鷹 青 」 ， 依 靠 disco 丸 仔 利 益 和 區 內 老 翻 市 場 ，養 起 了 大 批 新 進 黑 幫 少 年 ， 被 江 湖 中 人 形 容 為 勝 和 在 九 龍 各 區 爭 霸 的 古 惑 仔 訓 練 學校 ， 故 有 「 勝 和 校 長 」 之 稱 。 他 同 時 提 供 中 途 站 ， 讓 上 水 一 帶 的 勝 和 人 馬 ， 在 殺 出九 龍 前 在 荃 灣 一 帶 夜 場 熱 身 駐 腳 。 由 於 年 輕 一 輩 都 極 度 崇 拜 他 ， 故 雙 鷹 青 在 幫 內 享有 很 高 地 位 ， 連 坐 館 和 元 老 都 要 讓 他 三 分 。
「 當 年 荃 灣 因 為 Co Co Duck 和 TW Rock 兩 間 disco ， 搞 到 荃 灣 日 日 打 架 開 片 ， 幫內 年 青 一 輩 為 出 位 互 相 仇 殺 。 由 於 治 安 影 響 太 壞 ， 同 埋 配 合 警 方 剿 滅 勝 和 政 策 ， 幾個 臥 底 以 狠 打 狠 殺 出 位 行 徑 ， 逐 漸 接 近 『 雙 鷹 青 』 身 邊 。 」 反 黑 探 員 阿 添 說 。
○ ○ 年 尾 ， 臥 底 收 集 到 「 雙 青 鷹 」 足 夠 證 據 後 ， 展 開 一 項 名 為 「 Bobhare 」 的 行 動， 手 持 名 單 在 全 港 搜 捕 「 雙 鷹 青 」 及 其 得 力 手 下 ， 探 員 搜 刮 「 雙 青 鷹 」 的 呼 喝 聲 ，響 遍 各 間 夜 場 。
「 雙 鷹 青 」 落 荒 而 逃 ， 但 手 下 幾 名 猛 將 卻 悉 數 被 捕 ， 分 別 被 控 三 合 會 成 員 罪 成 而 判監 ， 「 雙 鷹 青 」 自 此 人 間 消 失 。 有 人 傳 他 躲 在 旺 角 ， 幾 年 來 有 人 傳 他 逃 去 外 國 。 實情 他 原 來 帶 同 數 名 貼 身 手 下 落 難 深 圳 ， 並 靠 積 蓄 開 了 間 茶 餐 廳 ， 從 此 不 問 江 湖 事 。
「 多 飲 茶 ， 依 家 裝 修 擴 充 緊 ， 遲 食 物 再 改 良 … … 」 「 雙 鷹 青 」 在 茶 餐 廳 向 熟 客 滿 臉 堆 笑 ， 並 詢 問 對 食 物 的 意 見 ， 往 日 的 殺 氣 和 霸 氣 已 一 掃 而 空 。


勝 和 坐 館 著 草 入 冊
勝 和 猛 將 「 雙 鷹 青 」 逃 亡 ， 幫 內 其 他 坐 館 元 老 亦 均 形 單 影 隻 。 上 週 六 晚 十 一 時 ， 深圳 皇 室 假 期 桑 拿 內 ， 一 名 五 十 多 歲 的 老 人 家 坐 在 上 閉 目 享 受 腳 底 按 摩 ， 不 時 張 眼 和按 摩 女 調 笑 ， 然 後 頻 頻 說 自 己 「 老 ， 唔 中 用 ， 依 家 隻 腳 成 日 痛 ！ 」
這 個 嘮 嘮 叨 叨 的 留 鬚 阿 叔 ， 卻 是 大 有 來 頭 ， 他 便 是 上 一 屆 和 勝 和 坐 館 「 鬍 鬚 坤 」 ，在 香 港 黑 幫 內 幾 乎 無 人 不 識 。 兩 年 前 剛 接 任 坐 館 一 職 ， 便 碰 上 警 方 雷 霆 萬 鈞 掃 蕩 行動 ， 連 番 打 擊 下 ， 不 堪 被 警 方 日 日 問 話 ， 加 上 幫 派 的 各 種 利 益 渠 道 ， 包 括 夜 場 和 翻版 等 ， 被 警 方 掃 至 「 無 啖 好 食 」 ， 上 繳 幫 會 的 利 益 日 漸 減 少 ， 心 灰 意 冷 之 下 ， 於 是選 擇 避 難 來 到 深 圳 。
「 鬍 鬚 坤 以 前 大 角 咀 好 惡 ， 又 係 搞 賭 起 家 ， 但 一 上 坐 館 個 位 ， 即 刻 俾 差 人 實 ， 但 凡街 頭 有 古 惑 仔 打 架 ， 都 捉 佢 返 差 館 問 話 ， 加 上 大 批 警 察 臥 底 滲 入 勝 和 ， 和 自 己 同 輩的 兄 弟 相 繼 入 獄 ， 佢 思 前 想 後 都 係 退 出 江 湖 。 」 幫 內 成 員 阿 傑 透 露 ， 「 鬍 鬚 坤 」 現在 長 期 在 桑 拿 店 「 打 躉 」 ， 此 處 是 由 同 門 兄 弟 「 傻 福 」 投 資 ， 象 徵 式 給 他 萬 多 元 「睇 場 費 」 ， 以 照 顧 這 個 老 兄 弟 ， 讓 他 在 深 圳 養 老 。
勝 和 管 理 層 分 為 「 坐 館 」 和 「 數 」 ， 前 「 坐 館 」 鬍 鬚 坤 流 亡 深 圳 ， 而 前 「 數 」 白 頭仔 卻 來 不 及 逃 亡 ， 在 警 察 臥 底 指 證 下 ， 去 年 十 二 月 法 庭 判 他 「 身 為 黑 社 會 成 員 」 罪名 成 立 ， 須 入 獄 十 二 個 月 。
四 十 八 歲 的 「 白 頭 仔 」 李 福 榮 ， 一 向 有 上 水 皇 帝 之 稱 ， 依 靠 小 巴 線 和 裝 修 工 程 ， 在新 界 亦 曾 擁 兵 過 千 。 過 往 勝 和 與 敵 對 幫 派 「 吹 雞 曬 馬 」 ， 白 頭 仔 亦 經 常 為 幫 會 「 出兵 」 ， 故 上 水 也 有 勝 和 「 兵 庫 」 之 稱 。
「 白 頭 仔 當 初 都 唔 想 上 『 數 』 一 職 ， 但 幫 內 群 龍 無 首 ， 在 推 無 可 推 情 況 下 上 任 ， 結果 首 當 其 衝 ， 被 差 人 放 臥 底 將 他 逮 捕 入 冊 。 」 勝 和 中 人 阿 傑 感 慨 萬 千 地 說 。
勝 和 最 具 實 力 的 大 佬 入 冊 ， 對 整 個 幫 派 造 成 致 命 一 擊 ， 其 他 大 佬 級 人 馬 見 狀 ， 為 免 同 一 命 運 ， 紛 紛 離 開 本 港 。


翻 版 之 父 逃 亡
勝 和 現 任 坐 館 「 陳 安 」 ， 眼 見 前 輩 不 是 逃 亡 便 是 坐 監 ， 他 被 眾 人 強 行 推 舉 上 位 後 ，便 只 好 採 取 「 歸 隱 」 政 策 ， 對 幫 內 大 小 事 務 皆 不 過 問 ， 日 日 醉 心 「 勇 戰 」 拳 館 內 研習 拳 術 ， 幫 內 很 多 兄 弟 一 年 來 ， 連 他 的 面 都 未 見 過 。
「 咁 佢 都 精 ， 躲 在 一 邊 不 問 世 事 ， 差 人 見 佢 咁 怕 事 亦 都 唔 理 佢 ， 兩 個 禮 拜 前 佢 仲 參與 藝 人 盧 惠 光 搞 個 拳 賽 ， 斯 斯 文 文 出 來 見 傳 媒 ， 你 睇 呢 個 坐 館 幾 健 康 ！ 」 提 起 現 任坐 館 ， 勝 和 中 人 莫 不 搖 頭 嘆 息 。
勝 和 能 在 九 十 年 代 急 速 冒 起 ， 最 大 原 因 是 沾 手 翻 版 碟 一 瓣 ， 而 當 年 主 力 搞 翻 版 碟 彈起 的 「 傻 福 」 ， 九 十 年 代 勢 力 一 直 雄 霸 油 尖 旺 。 由 於 他 性 格 衝 動 好 戰 ， 雖 然 同 門 其他 兄 弟 近 年 早 已 著 草 避 難 ， 他 仍 堅 持 活 躍 於 夜 場 ， 結 果 因 同 門 另 一 兄 弟 「 跛 手 英 」在 上 年 十 月 被 斬 死 ， 「 傻 福 」 因 手 下 惹 禍 上 身 ， 最 終 遠 走 英 國 避 難 ， 長 時 間 都 無 法重 回 香 港 。
由 中 層 至 高 層 相 繼 坐 監 或 著 草 ， 和 勝 和 目 前 已 無 人 領 導 ， 這 個 號 稱 全 港 第 一 大 黑 幫 的 社 團 ， 早 已 名 存 實 亡 。


14K 同 一 命 運
和 勝 和 被 剿 ， 第 二 大 黑 幫 的 14K 同 樣 潰 不 成 軍 。
同 樣 因 警 方 臥 底 舉 證 ， 綽 號 「 鬍 鬚 勇 」 的 潘 志 勇 ， 亦 正 被 警 方 控 告 他 「 自 稱 三 合 會 成 員 」 ， 現 保 釋 候 審 。
由 於 擔 保 條 件 須 於 十 二 點 前 回 家 ， 慣 常 通 宵 劈 酒 的 胡 鬚 勇 ， 一 見 腕 錶 接 近 凌 晨 ， 便急 急 腳 趕 回 家 ， 以 免 撞 警 察 查 牌 ， 被 取 消 擔 保 候 查 資 格 。 這 個 紅 極 一 時 的 江 湖 猛 人， 現 被 人 取 笑 為 「 灰 姑 娘 」 。
身 為 348 Disco 的 老 細 洪 漢 義 （ Teddy ） ， 一 早 已 聲 言 對 黑 社 會 絕 不 看 好 ， 他 自 己曾 犯 事 入 獄 ， 出 獄 後 便 與 人 夾 資 開 設 348 Disco 。 「 我 一 早 已 經 睇 通 曬 ， 差 人 唔 會俾 古 惑 仔 有 生 存 空 間 ， 斬 斷 曬 所 有 財 路 ， 根 本 冇 運 行 。 」 自 言 開 348 Disco ， 其 中目 的 之 一 就 是 想 幫 兄 弟 轉 型 ， 「 Disco 班 保 安 ， 個 個 都 坐 過 監 ， 如 果 出 無 人 請 ， 佢最 終 又 行 番 條 舊 路 ， 我 只 希 望 佢 可 以 行 番 正 路 ， 度 識 到 老 闆 搏 上 岸 ， 唔 好 再 搞 黑 社會 。 」
說 穿 了 ， 現 今 古 惑 仔 在 香 港 幾 乎 毫 無 收 入 ， 除 了 魚 市 場 菜 市 場 被 一 班 既 得 利 益 的 老成 員 霸 佔 外 ， 在 所 有 行 業 都 已 上 軌 道 的 香 港 ， 古 惑 仔 幾 乎 已 無 空 位 可 鑽 ， 唯 一 可 做的 ， 便 是 幫 地 下 「 波 莊 」 收 電 話 找 客 ， 收 入 相 當 有 限 。

凍 結 資 產 趕 到 絕
黑 社 會 文 化 在 香 港 日 落 西 山 ， 最 關 鍵 的 一 個 原 因 ， 便 是 警 方 窮 追 猛 打 ， 斬 斷 黑 社 會的 各 路 財 源 ， 針 對 黑 社 會 能 在 哪 方 面 賺 錢 ， 便 打 擊 哪 方 面 。 砵 蘭 街 淫 業 、 翻 版 碟 、 disco 丸 仔 ， 這 幾 個 主 要 收 入 來 源 ， 在 過 去 幾 年 警 方 的 頻 密 掃 蕩 中 ， 早 已 無 法 在 香港 立 足 。
加 上 警 方 的 臥 底 政 策 見 效 ， 過 去 幾 年 滲 入 黑 幫 的 「 無 間 道 」 屢 建 奇 功 ， 一 個 個 大 佬 相 繼 坐 監 和 被 迫 逃 亡 ， 黑 社 會 群 龍 無 首 ， 自 然 作 鳥 獸 散 。
「 仲 有 一 招 凍 結 及 充 公 財 產 就 最 毒 ， 掃 個 檔 口 可 以 再 開 ， 但 凍 結 戶 口 就 無 得 再 開 ，連 想 打 官 司 都 難 。 況 且 官 司 一 拖 就 成 年 ， 凍 結 資 產 即 係 等 於 警 方 用 繩 縛 住 古 惑 仔 打， 即 係 死 梗 。 」 江 湖 中 人 慨 嘆 警 方 財 產 打 擊 ， 迫 使 很 多 大 佬 傾 家 蕩 產 。
而 香 港 社 會 轉 型 ， 過 往 養 活 黑 社 會 的 娛 樂 場 所 ， 包 括 夜 總 會 和 麻 雀 館 等 ， 均 是 生 意一 落 千 丈 ， 直 接 導 致 所 有 黑 幫 成 員 一 窮 二 白 。 「 中 國 城 都 執 埋 ， 你 諗 ， 以 前 娛 樂 場所 有 睇 場 ， 有 泊 車 ， 有 毒 品 交 易 ， 依 家 全 部 冇 曬 ， 做 大 佬 自 己 都 唔 掂 ， 仲 靠 咩 去 養起 班 仔 。 班 仔 冇 錢 搵 ， 自 然 好 多 都 退 出 ， 搵 份 工 好 過 啦 。 」 古 惑 仔 阿 傑 慨 嘆 ， 以 前尖 東 聲 色 犬 馬 ， 聚 集 了 大 批 古 惑 仔 「 搵 食 」 ， 目 前 卻 是 冷 冷 清 清 ， 油 水 都 沒 有 一 滴。


新 義 安 、 和 合 圖 無 曬 影
雖 然 新 義 安 龍 頭 家 族 現 仍 存 在 ， 但 實 際 上 與 勝 和 、 14K 領 導 層 土 崩 瓦 解 的 情 況 也 相 類 似 。
九 七 回 歸 前 ， 新 義 安 龍 頭 家 族 接 受 中 央 招 降 後 ， 除 家 族 成 員 漸 退 出 江 湖 外 ， 旗 下 多員 猛 將 已 不 復 當 年 之 勇 ， 五 虎 之 一 的 鬼 添 ， 自 出 獄 後 便 轉 至 賭 船 搵 食 ， 兼 少 了 曝 光。 今 年 一 月 ， 他 才 罕 有 地 在 一 拳 賽 公 開 露 面 。 「 灣 仔 之 虎 」 陳 耀 興 胞 弟 雞 糠 ， 打 甩老 東 就 傷 人 案 後 ， 他 也 轉 趨 低 調 。
現 今 ， 江 湖 人 物 皆 怕 出 名 ， 「 依 家 坐 館 個 位 係 無 錢 又 想 出 名 人 至 會 做 ， 好 似 和 合 圖坐 館 米 貴 ， 由 合 圖 叔 父 掙 爆 仔 每 月 俾 兩 萬 蚊 佢 去 做 坐 館 ， 自 己 在 幕 後 專 心 搞 賭 船 及澳 門 賭 廳 ， 社 團 有 事 就 搵 坐 館 出 頭 ， 坐 館 依 家 變 似 馬 檻 keeper 咁 啦 。 」


無 法 吸 納 新 血
而 最 主 要 的 是 ， 以 往 活 躍 在 低 下 層 的 黑 社 會 文 化 ， 早 已 蕩 然 無 存 ， 就 連 幫 會 中 人 ，也 不 再 尊 重 社 團 。 「 以 前 舊 班 古 惑 仔 ， 搵 到 錢 都 會 分 一 份 俾 阿 公 （ 社 團 ） ， 社 團 有錢 先 搞 到 紅 白 二 事 ， 或 者 掟 錢 同 其 他 社 團 打 仗 。 依 家 ， 古 惑 仔 搵 到 錢 都 入 自 己 袋 ，點 會 孝 敬 社 團 ， 就 坐 館 都 冇 糧 出 啦 。 」 阿 傑 表 示 ， 黑 社 會 成 員 以 前 出 來 「 講 數 」 ，都 會 互 相 尊 重 對 方 「 字 頭 」 （ 社 團 ） ， 到 目 前 卻 已 無 人 來 此 套 ， 所 謂 黑 社 會 詩 句 ，或 入 會 斬 雞 頭 儀 式 ， 只 怕 四 十 歲 以 上 舊 會 見 才 見 過 ， 甚 至 年 青 一 輩 都 不 願 入 黑 社 會。
「 你 估 我 傻 咩 ， 入 會 最 多 咪 多 個 朵 ， 都 無 咩 數 ， 依 家 黑 社 會 都 冇 油 水 ， 反 而 被 差 佬。 我 有 friend 都 有 入 會 ， 佢 又 唔 見 得 有 幾 風 光 ， 一 樣 冇 啖 好 食 ， 俾 差 人 捉 到 ， 仲衰 多 幾 錢 。 」 記 者 連 日 來 訪 問 流 連 於 disco 的 青 少 年 ， 他 們 都 不 熱 衷 加 入 黑 社 會 ，更 不 約 而 同 地 說 ： 「 出 來 蒲 ， fing 頭 咪 算 ， 做 咩 要 入 會 ？ 入 會 仲 衰 ， 又 分 乜 大 佬細 佬 咁 Q 煩 ， 又 要 守 規 矩 ， 依 家 我 鍾 意 寸 邊 個 就 邊 個 ， 自 己 夠 惡 就 得 ， 使 鬼 社 團 。差 佬 拉 我 返 去 都 唔 會 用 條 乜 自 稱 黑 社 會 的 罪 屈 我 ， 話 曬 我 差 館 記 錄 身 家 清 白 ， 何 況依 家 個 場 都 少 人 踢 人 入 會 啦 ， 仲 講 黑 社 會 ， 老 唔 老 土 呀 ！ 」


三 條 九 最 惡
除 了 年 青 人 看 不 起 黑 社 會 ， 一 般 市 民 對 黑 社 會 也 不 再 恐 懼 ， 並 知 道 報 警 是 最 有 效 解決 方 法 。 「 黑 社 會 好 惡 咩 ， 我 打 三 條 九 ， 差 人 來 得 肯 定 快 過 佢 ， 差 人 疊 馬 定 黑 社 會疊 馬 呀 ？ 」 一 名 商 鋪 店 主 表 示 ， 有 黑 社 會 來 生 事 他 一 定 報 警 。
旺 角 洗 衣 街 茶 餐 廳 東 主 霞 姐 更 說 ： 「 依 家 都 冇 收 陀 地 呢 回 事 了 ， 就 算 有 都 唔 使 驚 啦， 通 街 都 係 差 人 ， 報 警 咪 得 。 」 大 部 分 餐 廳 東 主 都 會 選 擇 報 警 來 對 付 收 取 保 護 費 的古 惑 仔 ， 霞 姐 笑 言 ： 「 我 小 本 經 營 ， 俾 得 幾 多 次 呀 ？ 黑 社 會 ， 行 埋 一 邊 啦 ！ 」
大 佬 著 草 或 逃 亡 ， 財 源 被 斬 ， 年 青 一 輩 均 視 黑 社 會 為 過 氣 文 化 ， 一 般 市 民 亦 不 再 畏 懼 。
黑 社 會 ， 已 走 入 末 路 。