首先.... 今朝起身
先發現尋晚食完雪糕唔記得放返入冰箱 (因為我平日係成盒咁攬住黎食)
成盒溶曬唔要得
因為遲左起身 所以趕頭趕命出門口上堂
幸好準時入到lecture hall
點知後來有個好臭既人坐o係我後面 (我之前同過呢個人一班 佢好大陣臭汗味
)
好彩家陣係冬天 無乜機會俾佢出汗 無乜味....
點知 佢大力咁
向前打左個
巨乞痴!!!!!!
見到d口水花好似煙花咁周圍噴
即係收拾行裝包袱調位.....
上好曬堂 去library溫下書等人來接啦....
點知library d人唔知點解今日好high 開pary咁 好嘈 完全專心唔到
d位又滿曬喎 無得調...
好喇 過得個零鐘啦 好多人都走左 咁我有得調位喇
點知一坐低就有電話到! 又唔洗溫書....
咁就白白浪費左差不多兩個鐘
上到車先醒起 今朝唔記得拎d肉出黎解凍
咁今晚又無得煮飯.... 出去dine out
去左間泰國餐館 想叫tom yum seafood noodle...
點知無曬 迫住要叫第2樣
返到屋企快快沖涼 因為要睇電視
點知無熱水 凍到我死死下....
今日又特別凍喎 得7度
太凍 大聲嗌出去叫人開定heater
沖好涼衝痴住個heater
今日暫時有咁多黑野... 不過唔知今晚仲有無呢?
