辣妹

今日好唔覺意咁搵返以前既文章...
榜樣人生

父母常教子女...不要吸煙、飲酒、賭博...遠離毒品之類...
又經常話唔好同邊個邊個人玩，免得學壞...

但我覺得子女好與壞由出世到小學六年級係好重要的。
因為小學的時候父母總膽心子女...所以學校都比較近屋企...因此父母都要求子女放學早D返屋企。

咁就可以減底學壞機會?
事實上小六或以下的孩子都比較天真，但教壞他們的不完全是同學...
那麼誰教壞佢地?
答案係「父母」教壞佢地。

原因好簡單...就係D父母冇做好個榜樣。
(真實例子)小明問小華:點解你會識賭錢?小華答:我見媽媽同D姨姨打麻雀...從中學識的。
(真實例子2)小明問小華:你第一句識的粗口係誰教的?小華就答:是爸爸在家經常講，所以我學懂爆粗。

↑大家可能會覺得好好笑...但E兩個都係活生生的例子。
父母根本就自己都做唔到一個良好的榜樣，又怎能令子女學好?
(↑為人父母必須注意自己言行)

不過責任自己都要負擔返一部份...點解呢?
因幼稚園開始老師都有教點為知好、點為之壞...要學好的和做個好榜樣給身邊的人睇。
所以孩子們都識分好同壞，但點解有D孩子會學壞呢?
除了父母教的...還有朋友、同學...聽都聽要厭→[近朱者赤，近墨者黑。]
因為有D人學壞後就會慢慢地教壞一D好的人...只要堅定立場...遠黎損友就唔會學壞。

我覺得榜樣其實只係做人的一個枷鎖，只要隨著正路而行就不需要理會咩榜樣，因為你不知不覺間已經做左好榜樣了。

見到朋友、家人...即使係唔識的人...都要用好的方面感染佢地...將在歪路的人拉到正路。

結論:做好自己...分清楚好與壞。

==============================================
崎嶇人生【未經許可，請勿轉載】

人一生要面對好多大小事情...所以用崎嶇黎代表人的一生。
朋友、家人、學業、婚姻、工作無一會事事順境。
我們應該要有堅定的意志面對每一個難關，不退縮、不逃避才會成功。

試想想山的底部為人生的起點，山頂為人生的終點。
只要勇往直前，越過崎嶇不平的山路到達人生的盡時回望自己的一生。
你會覺得自己的人生係幾咁多姿多彩，即使有唔開心的事情，但也有你值得回味的時光。
相反選擇逃避...你到達山頂的時候回望見到的只係無聊的一生...冇成功的那份喜悅、冇朋友對你的支持、冇消除逆境時的快樂心情...有的只是一般的快樂，而得不到努力的快樂。

但也有人話...人一生越少錯捷越好，原因是可以一直前進，冇阻礙...得到的會比有阻礙的人更多的知識。
但我就唔能夠完全認同。冇錯，可能會更多知識...但對做人處事、逆境求存會比越過阻礙的人差。這些冇或少阻滯的人一旦面對逆境時跌到的機會較多...能不能起返身再面對前路就好難講了。可能會因此而放棄一生...

我覺得人的人生必須要越過崎嶇的山路...但有時也應過一些無阻礙的時光。
我所講的「無阻礙的時光」係得閒要放鬆下自己，唔好事事勉強自己...可能得益會更多。更有機會從平淡的人生得到啟發...知識唔一定要從書本上得到..可以從平常的生活的細微事情中得到。

而且冇人一生會完會順境或完全逆境，只要逆境求存...順境求突破就能走出自己的人生。

不怕風雨...不懶散...走出的將會是美好的人生路。
利用自己的努力來令自己的一生變得更有意義更有價值。
跌倒最緊要識企返起身，再次努力面對。
==============================================
平等人生【未經許可，請勿轉載】

在現今好多事都會要求人人平等。
但偏偏就有一些人認為民族、膚色、男女等...要分階級。
俾啲例子大家諗諗。
中國元代民族分階級為：蒙古人、色目人、漢人、南人。（左邊的蒙古為最高級）蒙古人、色目人做官都有優勢，而漢人、南人只能做些小官。大家都係人點解一定要分階級呢？即使唔講人種要分階級，讀書人都俾人睇死，「一官、二吏、三僧、四道、五醫、六工、七獵、八娼、九儒、十丐。」點解要分階級，而且讀書人竟次於娼妓...僅在乞丐之上。

膚色係一出世就注定了，白人點曬都唔會好似黑人咁黑。
你可能會話曬完膚色一定會變左。咁又點？唔通要個個人膚色一樣？即使曬黑左依然係被認為係白人。又有例子。林肯在生年間在南北戰爭，當時林肯領導北方，最後北方勝利，為甚麼會有場咁嘅戰爭？為的是廢除奴隸制度、解放黑奴。因為他認為人人應該平等，唔應該因膚色而定階級。

講完啲比較大的民族同膚色，係時候講返男女，我唔係想話男女唔重要。
又有例子了，古代一直主張「重男輕女」...女人一直都被男人欺壓。
男人多妻制，女人一夫制。點解大家係人，但女性只能得一個丈夫？
服從丈夫，點解唔係男人服從女人？女人好欺負啲？
就算唔講夫妻，有好多事都係男權力大過女。如：國家領導人大多數都係男性。
現在還好點，女性都能作為行政人員，只要係能者自然可以做到。
生孩子點解啲父母總想係男丁?因為將來跟男方姓...就係咁小事竟然睇低女人...跟女人姓個細路都係自己的子孫，姓氏真係咁重要？又有例子了，中國古代皇上見大臣立下大功，因而賜姓氏...可能大家個姓氏本來係第二個...。
再黎個例子：孩子點解要跟父親姓？雖然有「入贅」依樣野...但現在依然跟父親姓【極大部分】。
（只限中國，其他國家我唔知，但我未聽過一個國家女人可以地位高過男人。）

補充：元代分蒙古人、色目人、漢人、南人其中係為左唔俾漢人議政，防止被推翻。但我想講唔係要推翻自己的論句，而係點解唔廣收能人智仕呢...只要係為國好，其實咩人種都一樣，如果係不忠的話...廢除就行了。
==============================================
意義人生【未經許可，請勿轉載】

人的一生非常短暫。
有些人為求長生，不惜花盡歲月，但依然無功離世。
有些人為求不枉此生，踏盡天崖海角，為的是自己夢想。
有些人為求特破，不斷挑戰前人紀錄。（如：運動員）
有些人為了他人，不惜放棄自己，幫助他人。
有些人為求安穩，為的是能養妻活兒，平淡一生。
有些人為求功名利祿，花費時間增加知識。
有些人為求快樂，歲月白過。
世界上好多人．．．命運係自己掌握，唔好咩都話個天命不能逆轉。

死有輕於鴻毛，重於泰山。
一生之中有冇光輝過好重要，死得有冇價值係人為。
光輝與否：
有義意人生得到充實，幫到人．．．會係其他人心目中長存。
白過的人生得到空白，所有歡笑一起入土為安。
做壞事者遺臭萬年，受人唾罵。
為世人者留名千古，千古傳誦。

價值是人為：
人一生有冇價值其實係睇有冇付出努力。

你的一生掌握在你手
（老土啲引用一句舊歌的歌詞「命運是你手，永不低頭，成功只有靠一雙手。」）
不過我要補充，除了手之外應該要靠知識。
==============================================
數字人生【未經許可，請勿轉載】

人一出世就已經背負數字。
係唔係一月一日出世、時辰八字...讀書成績、考試分數、名次...出黎工作人工有幾多...
但其實有冇人想過數字也有好壞之分呢?
以下係一些壞例子:
為求在論壇個發言數多而呃post。
為求得到冠軍而食禁藥。
為求考第一而出貓。
例子數之不盡...
但有冇人諗過e  d只不過係虛榮?俾你最高發言、拎奧運冠軍、科科一百分...有咩用?e  d唔係實力的表現。
轉個角度諗下,
發一些有義意的post會唔會更加令人欣賞自己,
用真實力去贏取冠軍那份喜悅,
用自己知識所得的第一那份精神。
e一點一點的成功感係多麼光榮,你可以光明正大地說自己係有才能。

又轉個頭諗返出貓,食禁藥,呃post...e  d野係能夠大大聲咁話俾人知咩?
做e d事唔係人地睇唔起你,係自己睇唔起自己,為左虛榮出賣自己...比冇努力過的人更可悲。

數字本身有個激勵作用,為左考第一晚晚通宵,為的是甚麼?為的是將來能養妻活兒,孝順父母。
為咩要日日去練習,為個金牌,係因為拎金牌果一刻係為國增光,為自己理想求突破,受萬人敬仰。
為甚麼要唔亂發言,為的是自己所講嘅事得到認同、得到賞識那份心情。

做人做事要對得住自己。

數字好同壞只係一線之差,唔好只係識走歪路,成功係冇捷徑的。
==============================================