如果你唔係刻意去呃人就無問題啦 唔需要太自責
你去見工果陣都唔知佢地係呃人架啦
唉 講開又講 我幾年前又係做過一份類似咁既parttime job
打電話做問卷調查 打去人地mobile再問人地旅遊經驗 做好話有百佳$50 coupon送返
呢份工係我d中學同學介紹架 佢地有幾個都做緊
諗住實無死啦.......
點知做左2星期倒啦 到我既出糧日喇 因為佢出糧唔係計monthly basis架 係計截數日
我個supervisor公司會計果方面有少少問題 我&幾個朋友份糧要遲d先出到
算啦 都等下啦 橫掂唔等錢用
後來發覺好唔對路 因為原本坐office打電話架嘛 後來又要我地出街做問卷調查喎
果份問卷係target中五生 佢要我地扮會考生偷入去人地d試場度同人做問卷呀
咩証件都無俾我地袋 好似好古惑咁
佢拖糧既情況愈來愈嚴重喇 拖到我地辭職都未出糧
咁我咪報警囉..... 我本身以為都係等警察警告下佢地算架喇
點乜知原來呢間公司真係呃人架 佢地搵好多中五中七生做parttime
一味拖糧 拖到咁上下 收曬d projects錢之後
就一次過摺曬所有office, cut曬所有電話, supervisor既mobile都停用曬
我報警果陣 警察問我superviros既個人資料
好彩果陣都算同supervisor都算混得熟 連佢張身份証我都睇過
咁我就知道佢真名&以前用開既幾個mobile no.
各office地址電話都話曬俾警察知...
後來警察隔左幾個星期後打俾我 話查到呢間公司專呃中五中七生
叫我上去警署落份詳細口供... 份口供好長呀 每次落3-4個鐘 落過3次!!
警察話因為我都算係受害者 可以向唔記得邊個政府部門申請欠薪基金
但係我無申請呀 因為我份糧都係千幾蚊唧 而且我要返外國...
我d朋友就好彩喇 佢地個個幾千蚊都追得返
自此之後 我就覺得自己好正義喇
你幾次都遇到咁既情況 如果你唔怕麻煩的話 可以去報警呀!
免得有人再受害!
