辣妹

[笑話] 十大呃細路大話（你細個一定有聽過



十大呃細路大話（你細個一定有聽過．．．．．．．．．）



1.「同你儲埋d利是錢入銀行」
(最多細路受騙．．．)

2.「生舊叉燒好過生你」
(生到舊叉燒話你好野！)

3.「再喊叫警察叔叔拉你」
(喊都搵警察，告你阻差辦工呀！)

4.「食蔥會聰明 D 架」
(食雞翼又唔見生翼！？)

5.「食唔清 D 飯會娶個豆皮老婆」
(老豆食得好乾淨喎，點解呀媽你．．．)

6.「裝人沖涼會生眼挑針」
(無事喎！)

7.「講大話會甩大牙」
(講左咁多年大話都未試過．．．)

8.「唔好玩橡筋呀，橡筋會吸血架」
(放響水又唔見佢吸水既？)

9.「你再咁曳比"丫鴉"捉左你」
("丫鴉"咩生物？)

10.「你係由石頭爆出黎」
(咁石灘咪好多孤兒？)

leyland

哈哈, 好搞笑.

波波

我有d係新既 唔知係咪我家人自己作出黎

阿媽話: 指住月亮 耳仔會爛

yoko

原來無論內地頂系香港,大家都系甘樣呃細路嘎...