辣妹

內地女性認為「寧做情婦，不做老婆」，聽落好怪，但深入了解不無道理。

　　一、包得起情婦嘅男人，一般都係事業成功嘅男人；至於娶老婆，所有男人都有可能。

　　二、老婆一生一世，情婦只有幾年時光便分手，作為男性，有空先陪情婦抑或陪老婆？

　　三、做老婆不光是對一個男人，同時要接受佢嘅父母、兄弟、親戚甚至前妻子女；反之，做情婦只需應付一個男人。

　　四、男人唔怕老婆紅杏出牆，因為社會不容；反之，情婦卻冇乜承諾，別人較自己風光，情婦投入別人懷抱怎辦？男人點可以唔對情婦好？

　　五、成功唔係永遠嘅。男人輝煌女人沾光；男人欠債，債主往往同時找老婆麻煩。反之，做人情婦你輝煌我風光，你倒楣欠我包月費我便鬆人。

　　上述當然係笑話，喺男人睇完，應該更珍惜自己老婆，唔好搭上情婦。我老曹在此預祝各位聖誕快樂。