octopusman

究竟拎住個3G牌係好事定係壞事呢？相信嗰四個3G網絡商一定心中有數！尤其係當佢哋睇到移動人仔（即係俾中國移動買起咗嗰間PEOPLES）條數時，心面可能流緊血。點解咁講？話說噚日中國移動公布中期報告，披露只有2G的PEOPLES，單單半年就賺1.14億，再睇剛剛派成績表嘅數碼通，做咗成年先賺得 7000 萬，仲要背負住牌費、網絡升級、加大手機補貼搶客等等包袱，真係有D眼淚在心裡流嘅feel！

講開PEOPLES，埋得中移動呢個大碼頭，又無乜包袱，使錢都零舍疏爽，好似最近就喺香港機場整咗個「中國移動貴賓廳」，畀佢哋「全球通」鑽石、黃金同埋銀卡貴賓客仔用，等佢哋休息、上網、睇雜誌食吓嘢、安排租車服務．．．．．．總之好似航空公司、信用卡VIP Lounge咁，所以，唔好再話PEOPLES D嘢cheap喇！