辣妹

真係發覺討厭既男人愈來愈多..
這兒的討厭唔係指您唔愛既男人...
而係個d性格討厭既男人.......

第一種  瘋狂追求者
愛一個人係好崇高同偉大..尤其勇於表白個類..我本人好欣賞..即使唔係咁適合我...我通常都會盡我所能地禮貌回絕..希望可以留一點面子給別人時...自己也可以大方點...做返好朋友~!
但有一次真係比我見到一類令我由心生討厭既男人..
一開始不停同您扯關係..叫您"女朋友""老婆仔"
數次拒絕同佢出街或者唔聽佢電話仲唔醒.....仲要發難"你有有搞錯呀?約親都唔出!點做人老婆呀?"
到真係忍冇可忍...講到"您唔適合我"時..仲要反問"您點知我追唔到您呀?  您真係覺得您唔會鐘意我咩?"
真係.......唉......終於要講最後一句..."你唔好成日打比我,我唔出街..拍拖你亦唔適合我"都係要死纏...各位可愛既姐妹係米真係要鬧佢一鍋金..連係街見到都要折回頭..朋友都唔做先可以了結這種男人呢?分享一下各姐妹有咩好方法回絕又給大家留點面子呢?

第二種 自私自利型男人
朋友之間唔應該斤斤計較..男人為女人付款亦已經唔係必然同必需...當然有時朋友邊個比都冇所謂...而且有不少男人都會係相識時試一下身邊既女人係米拜金者..會出少少問題難一難各位姐妹....
有一個經典case..好朋友May同一位外表正經既男人飲完酒後去食野..食完後May去洗手間..出黎時個男人己經係洗手間門口等緊佢...同佢講"走啦..快d上車"(架車係May既)..May好自然以為個男人己經比左錢啦..到佢地上左車..個老闆追出黎...個男人就叫May快d開車走...May
自己wing wing地就開車走啦...佢唸唸下好似個老闆係追住佢架車...佢就問身邊既男人"你唔係冇比錢呀?"個男人仲要話"得啦~!你唔駛理啦~我同個老闆講我係朋友係隔離枱.個老闆會追佢地架啦!""(咁當然隔離枱係唔識架啦)...事後聽May不停話"幾佰蚊佢冇我比啦~個老闆認得我架車啦...真樣衰!!"
有種男人會開口要你請佢去邊去邊...仲要係只要你真係肯請佢就真係少少都唔客氣...oh my god...咁既男人去邊到搵..你唔要面我都唔想比面你...但又唔想為左個幾佰蚊令自己都冇面...你話可以點教訓這種男人呀?

第三種 自我崇拜型
每個人都係獨一無二...我覺得冇人可以取代誰...你有你好既地方..我都有我出色的特點...但有種男人就覺得每個女人都係冇佢唔得咁....男女亦要互相尊重..
男人約會女人
"因為我而家得閒..所以你而家出黎"
這只係平時你身邊既女生冇自己既生活~! 只有你有你既生活嗎?對唔住..我都有我要做既事..真係想見面下次請早
男人試著約會女人...失敗後加一句~
"我比多最後一次機會你..你考慮兩分鐘..你到底出唔出黎?"
"你而家同我出黎xxx至多我出錢請你食飯"
"你約左朋友咩?我返去考慮下我有興趣我再通知你..然後過黎搵你啦"
天呀~!你以為你自己係邊個呀?
話左唔出街...仲要你比多一之咩機會我呀?而家食一餐好難架咩?一千幾佰係米女人出唔起架?咩人都有自己既朋友..男人既聚會好多時都唔接受女人....女人同朋友食飯浪遣都一樣..有人希望突然多一個火星人加入嗎...未問過我地可唔可以比你加入?你考慮d咩呀??
我覺得女人就多得這無禮的男人而高雅...為此要更有禮貌地回絕他們的無禮..
"我比多最後一次機會你..你考慮兩分鐘..你到底出唔出黎?"   當時友人的答案""多謝您的兩分鐘...可以令我更清楚地覺得我家更為吸引""
"因為我而家得閒要見你..所以你而家出黎"        "對唔住...我己經安排好我今日既事..要我有時間我下星期得先閒"
各位分享一下有冇遇過咁既人同點回絕這種男人..  

2006-2-17 04:32 AM #1