斯利時

首先講男仔.
好多男仔都以為無錢, 唔靚仔,花心....等等的男仔會不受女性歡迎, 不過你又發覺身邊o的咁既朋友,又實有女朋友, 咁點樣的男仔才無女朋友呢? 無錢, 唔靚仔, 花心無疑是缺點, 但係唔係死症, 因為可以有其他的優點去補救, 但係以下三點係死症.

1. 木獨
無論你幾有錢, 學識, 專一, 如果你木獨就真係死緊, 發唔發覺其實受觀近的男仔, 共通點唔係有錢或者靚仔, 而是有幽默感......

咁點叫木獨? 你地讀書, 特別係讀大學, 一班裡面, 總有一,兩個只懂低下頭讀書, 講o野又唔流利, 你問佢昨晚做什麼? 他答案唔會多過十個字, 佢成績可能好好....., 其實香港好多專業人仕, 例如醫生, 會計都係咁.

2. 小家
即係斤斤計較, 一次五個人去旅行住酒店, 兩間房, 一間兩個人, 另外一間加床三個人, 咁第二日, 本來張房租除五, 點知有人會講, 我作晚三個人一間房, 我個份係應該張一間房價除三.....

不過佢地都仲有機會遇到更小家的女仔, 互相欣賞.

3. 無風度
即係一班人玩到好夜, 唔識送o的女仔番屋企, 又或者有空位,唔識讓比o的女仔先.....

斯利時

咁女仔呢?
好多女仔都以為男仔只識追樣靚身才正的女仔, 個個都跑回大陸搵, 無錯,樣靚身材正就緊係多人追, 但係無人追唔係因為個樣同身材, 我身邊好多女仔都唔靚,無身材, 不過一樣有男朋友, 無男朋友的死症係.

1. 唔識笑
知唔知點解空姐咁受歡迎, 因為空姐其中一個重要的訓練係笑容, 唔知點解香港的女仔呢方面真係好孤寒, 有o的仲係成日板起塊面......

其實笑係唔駛錢, 如果妳肯笑, 經常保持笑容, 我係唔信無男仔追, 我識十個無拖拍的女仔, 六個真係唔識笑.

2. 高傲
香港女仔叻, 但係叻都唔駛成日show出來, 中國傳統, 男仔係唔會追個叻過自己的女仔,唔係會比人笑話食軟飯, show到自己咁勁, 咁減少o左好多機會, 而現實又有幾多男仔條件好好, 又無女朋友.....

3. 挑剔
唔知點解, 香港女仔真係好挑剔, 其實係唔係傳媒影響呢? 挑剔都唔緊要, 都唔駛公開挑剔吧. 男仔挑剔女仔係無風度, 但係女仔挑剔男仔呢? 我真係見o的女仔, 可以一班人面前挑剔o的男仔無錢, 無風度....., 其實好傷男仔的自尊心,邊有男仔敢埋佢身....

其實2,3點的女仔都好經常係板起面孔的, 所以基本, 想有拖拍就係....好簡單地傻傻的笑, 經常的笑就已經好夠.

波波

最怕小家男!!! 小家基本上=無風度

女仔太挑剔又係好討厭...