我返工o既問題, 大家教下我啦!
我早前都提過...
早排暑假, 我o係一間越南餐廳返左份full-time暑期工做侍應, 都做o左4個月啦!
間餐廳o係尖咀遊客區, 成日好多遊客﹑明星黎幫襯, 老闆好重視員工o既服務態度,
部長同其他同事都好細心咁教我好多野, e.g, 落菜唔好o係老人家/小朋友果度落﹑
留意客人o既需要﹑盡最快速度服侍客人﹑帶位﹑整親客人要點樣處理﹑客人不滿又點樣解決...
總之就學識左好多野, 好多招呼客人同處理突發事件o既技巧等等,
呢o的野唔剩止做侍應o既時候有用, 即使將來出到社會對人對事都有幫助。
我覺得返呢份工令我處事更加有耐性﹑識得細心觀察身邊o既人有咩需要﹑
遇到危機都識得冷靜處理, 老闆同事都好好人, 教識我好多野! 雖然果時做野好辛苦,
成日要拎住個重o既茶壺, 又成日辣親手, 仲要捱鬧,
但o係度o既經歷對我真係好大得益呢!
因為就黎要返學, 我都冇時間再返果份工... 我就辭左職, 剛搵到一份Part-time,
係一間拉麵店做侍應。今日係我第一日返工, 美其名係侍應生,
不過我覺得自己只係一個只會"做"o既機械人!
我只係負責執檯﹑捧餐同埋行行企企!! 今日返左8hr, 但成日都冇乜野做過...
你可能會話我第一日返工可能就係冇乜野做, 但我睇我其他同事都係一樣,
做住一樣o既野, 一樣行行企企, 除左收銀同知客外, 但講真都係冇乜野做...
o係拉麵店完全唔係我之前做越南餐廳果回事, 以前好講究服務,
但而家完全就冇服務, 我幫一個客人拎o的辣油, 就比個同事話我:
"呢度冇o的咁既服務, 咩都係自助, 叫佢自己出黎拎啦!"
但其實真係冇野做, 因為間鋪頭好細, 我又唔需要斟茶﹑拎餐牌比客...
而且捧o的餐都係好輕, 完全冇難度, 冇乜挑戰性, 學唔到野...
我唔係扮清高, 我覺得o係度學唔到野, 同我之前o係餐廳做侍應,
完全係兩回事, 呢度成日都叫我快o的清晒o的檯, 等o的客快o的走,
同以前慢慢服侍客人唔同, 我唔鍾意趕客, 搞到o的客人唔開心, 自己做都唔開心!
我唔知我應該點做好! 我應唔應該繼續留o係度做呢?
呢度唯一好既係$20/hr, 近我屋企, 唔駛搭車, 工作輕易...
但我之前o係餐廳學返黎既野完全冇用武之地,
我留o係度返工就好似只係為左錢而原地踏步。
周圍都有餐廳, Pizza Hut﹑Delifrance都差唔多咁既人工, 但就忙o的,
可以學到多o的野, 如果我返o左冇幾耐就辭職, 會唔會比人覺得我半途而廢呢?
我之前o係元綠壽司同勞工署apply左, 如果佢地叫我返工,
我係咪應該走呢? @@"
辛苦大家睇左咁多字~Thz
